ის, თუ ვის ავირჩევთ, პირდაპირ უკავშირდება ჩვენს მომავალს

                   5 საკრებულოს ქალი თავმჯდომარე ეყოლება

 თვითმმართველობებში გენდერული უთანასწორობის მხარდაჭერა გრძელდება. 2017 წლის მოწვევის 64 საკრებულოდან მხოლოდ 5 საკრებულოს ეყოლება ქალი თავმჯდომარე.

ქალი საკრებულოს თავმჯდომარეებით იმერეთი ლიდერობს. იმერეთის 12 მუნიციპალიტეტიდან 3-ს ქალი უხელმძღვანელებს. ტყიბულში საკრებულოს თავმჯდომარედ ნატალია კობახიძე აირჩიეს; თერჯოლაში - ნინო ჯანელიძე, ხოლო ხარაგაულში - მანანა ბარბაქაძე. ხარაგაულის საკრებულოს თავმჯდომარის მოადგილეც ქალია - რუსუდან გიორგაძე.

კახეთის 7 მუნიციპალიტეტიდან მხოლოდ ახმეტის საკრებულოს უხელმძღვანელებს ქალი. თამარ ყეინიშვილს 31 დეპუტატიდან ოცდაერთმა წევრმა გამოუცხადა ნდობა. ყეინიშვილი 2017 წლის მარტიდან წინა მოწვევის საკრებულოსაც ხელმძღვანელობდა. მაშინ მის კანდიდატურას საკრებულოს 26-მა დეპუტატმა დაუჭირა მხარი, ხოლო 1 ბიულეტენი კი გაბათილდა.

კიდევ ერთი ქალი - შუქურა ჯაფარიძე გახდა ონის საკრებულოს თავმჯდომარე.

ფოტოებზე: 

1. ნატალია კობახიძე, ნინი ჯანელიძე, მანანა ბარბაქაძე
2. თამარ ყეინიშვილი
3. შუქურა ჯაფარიძე